Endi erteńnen bastap aralyq qaryzdyń paiyzy barlyǵyna birdei bolady. Al qaryz alý úshin talaptar ózgergen joq. Bastysy - eki shartty oryndaý qajet, birinshiden, úi qunynyń 50%-yn shotqa salý. Ekinshisi – aqsha bankte keminde 6 ai turýy kerek. Bul baǵalaý kórsetkishi kem degende 5-ke jetýi úshin qajet.
Mysaly, eger siz 30 mln teńge nesie alsańyz, burynǵy 7,5% ben qazirgi 8,5% arasyndaǵy aiyrmashylyq aiyna shamamen 12 000-20 000 teńge tóńireginde ǵana bolady. Sonymen qatar nesieni ózińizge yńǵaily tásilmen tólei alasyz. Bekitilgen mólsherleme - jańa nemese eski úi alýǵa, jer telimin alý, úi salý jáne jóndeý jumystaryna júredi. «Óz úiim», «Keiinnen satyp alý quqyǵymen jalǵa beriletin turǵyn úi» jobasy jáne «Áskeri baspana» siiaqty arnaiy baǵdarlamalarǵa da qoldanylady.
Al eger siz 4 maýsymǵa deiin maquldaý alyp qoisańyz, nesieni burynǵy sharttarmen rásimdei alasyz.Sondai-aq salymshylar úshin memlekettik 20% syiaqy saqtalady.
