«Qazaqmys korporatsiiasy» JShS Basqarma tóraǵasy Rýslan Óskenáli Jezqazǵan óńiriniń óndiristik alańdarynda jumys kezdesýleriniń seriiasyn ótkizdi. Nátijesinde óndiristik úderistiń senimdiligin arttyrýǵa, qyzmetkerlerdiń eńbek jaǵdaiyn jaqsartýǵa jáne kásiporyndardyń materialdyq-tehnikalyq bazasyn nyǵaitýǵa baǵyttalǵan birqatar sheshim qabyldandy, dep habarlaidy ult.kz.
Ońtústik Jezqazǵan jáne Batys Jezqazǵan kenishterin aralaý barysynda kásiporyndardy materialdarmen jáne qosalqy bólshektermen qamtamasyz etý, jóndeý jumysyn uiymdastyrý, óndiristik jáne turmystyq infraqurylymnyń jai-kúii, sondai-aq tehnikany odan ári jańartý máseleleri qaraldy.
Óndiristik bólimshelerdiń turaqty jumysyn qamtamasyz etý úshin ózdiginen júretin jabdyqtardy jóndeýge 6,7 mlrd teńge bólindi.
Jumyskerlerdiń turmystyq jaǵdaiyn jaqsartýǵa erekshe nazar aýdaryldy. Ońtústik Jezqazǵan kenishinde №65 shahtanyń turmystyq korpýsyn jóndeý jáne aýdany 2,9 myń sharshy metrdi quraityn ákimshilik-turmystyq kombinattyń shatyryna kúrdeli jóndeý júrgizý josparlanǵan. Batys Jezqazǵan kenishinde №73–75 shahtalarynyń ákimshilik-turmystyq kesheni men jyly ótkeline jóndeý jumysy júrgiziledi, sondai-aq №67 shahtanyń jýynatyn jáne kiim aýystyratyn bólmeleri jańartylady.
Foto: Qazaqmys
Óndiristik aktivterdi jańǵyrtý baǵdarlamasy aiasynda kompaniia taý-ken-shahtalyq tehnikasy parkin jańartý boiynsha qoldanystaǵy tásilderdi qaita qaraýda. Paidalaný barysynda tiimdiligin dáleldemegen jabdyqtardy satyp alýdan bas tartý týraly sheshim qabyldanyp, joǵary senimdilik pen sapaly servistik qoldaýdy qamtamasyz etetin álemdik jetekshi óndirýshilerdiń tehnikasyn satyp alýǵa basymdyq beriletin boldy.
Osy maqsatqa 9,9 mlrd teńge bólinip, 19 birlik ózdiginen júretin burǵylaý qondyrǵysy satyp alynady. Jyl sońyna deiin 8 burǵylaý qondyrǵysyn jetkizý kútilýde. Sonymen qatar óndiristik alańdar úshin jalpy quny 2,5 mlrd teńge bolatyn 25 zamanaýi reanimobil satyp alyndy. Olardy jyl sońyna deiin jetkizý josparlanǵan.
Ishki úderisterdiń tiimdiligin arttyrýǵa qatysty jeke tapsyrmalar blogy pysyqtalýda. Atap aitqanda, qajetti oqytý kýrsynan ótkennen keiin kásiporyn qyzmetkerleriniń óz kúshimen joǵary qysymdy jýý apparattaryna qyzmet kórsetýin uiymdastyrý jáne soǵan sáikes qosymsha tólem engizý múmkindigi qarastyrylýda.
Eńbek ujymymen ótken kezdesý barysynda jumyskerlerdi arnaiy kiimmen, jeke qorǵanys quraldarymen jáne ystyq tamaqpen turaqty qamtamasyz etý máselesi rastaldy. Kásiporyndardyń turmystyq jaǵdaiyn jaqsartýǵa, kólikpen qamtamasyz etýge jáne áleýmettik infraqurylymdy damytýǵa baǵyttalǵan is-sharalardy iske asyrý jalǵasýda.
Foto: Qazaqmys
Jumys saparynyń qorytyndysynda Rýslan Óskenáli qabyldanǵan barlyq sheshim jumyskerler men óndiristiń tiimdiligi úshin naqty praktikalyq nátije berýi tiis ekenin erekshe atap ótti.
«Bizdiń mindetimiz — tek óndiristik jospardyń oryndalýyn qamtamasyz etý ǵana emes, sonymen qatar adamdarǵa eńbek etý úshin laiyqty jaǵdai jasaý. Barlyq kóterilgen másele naqty sheshimin taýyp, basshylyqtyń turaqty baqylaýynda bolýy tiis», — dedi Basqarma tóraǵasy.
