«Qazaqmys korporatsiiasy» JShS kásiporyndardaǵy konveier sharýashylyǵyn josparly jańartý baǵdarlamasyn júzege asyrýda. Baǵdarlamanyń kezekti kezeńi Jezqazǵan baiytý fabrikasy men «Batys» kenishindegi konveier jelisiniń tozyǵy jetken ýchaskelerin aýystyrýdy kózdeidi.
Jezqazǵan baiytý fabrikasyna eni 1200 mm bolatyn 338 metr konveier taspasy jetkizildi. Ol usaqtalǵan kendi diirmenderge tasymaldaityn №2 bas korpýstyń eń kóp júkteme túsetin kólbeý konveierin jóndeýge paidalanylady. Jalpy, fabrikada uzyndyǵy 100 metrge deiin jetetin 52 konveier jumys isteidi. Paidalaný ereksheligine qarai konveier taspasynyń qyzmet etý merzimi kólbeý ýchaskelerde orta eseppen bir jyldy, al kóldeneń ýchaskelerde bir jarym jyldy quraidy.
«Batys» kenishine 1500 metr shahtalyq, qiyn janatyn jáne antistatikalyq rezeńke-trosty konveier taspasy satyp alyndy. Ol jalpy uzyndyǵy 2,2 shaqyrymdy quraityn №4 konveierge kúrdeli jóndeý júrgizý úshin paidalanylady. Jańartý jumysy jabdyqtyń paidalaný sipattamasyn qalpyna keltirip, jerasty óndirisi jaǵdaiynda onyń senimdi jumysyn qamtamasyz etýge múmkindik beredi.
Foto: Qazaqmys
Konveier taspasyn josparly túrde aýystyrý óndiristik jabdyqqa tehnikalyq qyzmet kórsetý júiesiniń mańyzdy bóligi sanalady. Bul jumys konveier jelisiniń jumysqa qabilettiligin der kezinde qalpyna keltirýge, jospardan tys toqtap qalý qaýpin azaitýǵa jáne tehnologiialyq úderistiń turaqtylyǵyn qamtamasyz etýge yqpal etedi.
Konveier sharýashylyǵyn jańartý «Qazaqmys» kásiporyndarynyń óndiristik infraqurylymynyń senimdiligin arttyrýǵa baǵyttalǵan keshendi sharalarynyń biri bolyp tabylady. Kompaniia jabdyqtyń tehnikalyq jaǵdaiyn jaqsartýǵa júieli túrde investitsiia salyp, óndiristik nysandardyń qaýipsiz ári úzdiksiz jumys isteýine tiisti jaǵdai jasaýda.
Konveier sharýashylyǵynyń tasymaldaý taspasyn jańartý jumysy odan ári jalǵasady. Jetkizý josparyna sáikes, jaqyn arada «Qazaqmys» kásiporyndaryna taǵy da 15,8 myń qýma metr konveierlik jáne rezeńke-trosty taspa jetkiziledi dep kútilýde. Onyń shamamen 11,9 myń metri Jezqazǵan óńirine, 2 myń metri Qaraǵandydaǵy kásiporyndarǵa jáne 1,9 myń metrge jýyǵy Balqashqa arnalǵan. Jańa taspalardy jetkizý konveier jabdyǵynyń tozǵan ýchaskelerin josparly aýystyrý jumysyn jalǵastyrýǵa jáne shikizat pen materialdardy tasymaldaý júiesiniń senimdiligin qamtamasyz etýge múmkindik beredi.
