«QazaqGaz» UK» AQ ortalyq apparatynda óńirlerde oryn alǵan sý tasqynyna qatysty jedel shtabtyń kezekti otyrysy ótti. Atalǵan shara ulttyq kompaniia basshysy Sanjar Jarkeshov pen enshiles jáne baǵynysty kásiporyndary bas direktorlarynyń, óndiristik filial basshylarynyń qatysýymen ótti. Kezdesý beinekonferentsiia bailanysy arqyly uiymdastyryldy.
Jedel shtab otyrysy aiasynda qatysýshylar tasqyn sý saldaryn joiý men zardap shekken óńirlerdiń turǵyndaryna kórsetilip jatqan kómek týraly sóilesti.
«QazaqGazdyń barlyq qyzmetkerlerine tasqyn sýdan zardap shekken óńirlerdiń turǵyndaryna kórsetip jatqan qoldaýlaryńyz úshin alǵys bildiremin. Erikti retinde jasap jatqan jumystan bólek, gaz mamandary tótenshe jaǵdai kezinde halyqty tabiǵi gazben úzdiksiz ári qaýipsiz qamtamasyz etip jatyr», – dedi QazaqGaz Basqarma tóraǵasy Sanjar Jarkeshov.
Sonymen qatar, ol QazaqGaz ulttyq kompaniiasy, Samuryq-Qazyna qorynyń portfeldik kompaniiasy retinde sý tasqynynan zardap shekkenderge 1 mlrd teńge bóletinin jetkizdi.
Búgingi tańda óńirlerde apattyq-qutqarý jáne sý tasqynyna qarsy jumystarǵa QazaqGaz kompaniialar tobynyń 915 qyzmetkeri, shamamen 205 tehnikasy jumyldyrylǵan. Sonymen qatar, Qashaǵandaǵy GÓZ qurylysyna tartylǵan 99 tehnika da tasqyn sýmen kúreske baǵyttalǵan. Sý basqan aimaqtarda eriktiler jasaqtary quryldy. Kompaniialar tobynyń jumysshylary arasynan shyqqan belsendiler óz erkimen azyq-túlik satyp alýǵa bastama kóterip, ystyq tamaq ázirlep jatyr.
Tabiǵi gaz sý basqan óńirlerden basqa jerlerge kóshirilgen abonentterdi eseptemegende, úzdiksiz jetkizilip jatyr.
