Qaz Covid-in men Spýtnik V vaktsinalarynyń aiyrmashylyǵy qandai? Bul suraqtyń jaýabyn QR DSM Sanitariialyq-epidemiologiialyq baqylaý komitetiniń vaktsinaǵa kónetin infektsiialardy baqylaý basqarmasynyń basshysy Nurshai Ázimbaeva taldap aityp berdi, dep habarlaidy "Ult aqparat".
«Biologiialyq qaýipsizdik problemalary jónindegi ulttyq ǵylymi institýt buǵan deiin koronavirýsqa qarsy vaktsinanyń birneshe túrin jasap shyǵarǵan edi. Búginge deiin olardyń arasynan Qaz Covid-in tiimdiligin kórsetti. Ol óziniń tehnologiiasy jaǵynan Spýtnik V vaktsinasynan qatty erekshelenedi. Spýtnik V – kópvektorly vaktsina. Ony ázirleý kezinde adenavirýs retinde koronavirýstyń tikenegi tańdap alynǵan. Iaǵni onyń adenavirýsty vektorynda koronavirýstyń ózi tolyǵymen joq. Ol shaǵyn bólikter negizgi virýsty «tanýǵa» kómektesedi. Qarapaiym tilmen aitqanda, sol bólikter arqyly antideneler virýsty «tanidy». Al Qaz Covid-in - inaktivtelgen ekpe. Onda virýs tolyǵymen óli kúiinde saqtalǵan. Sondyqtan ol ózdigimen jumys istemese de, bul óli virýstar da antidene túzedi», - dedi Nurshai Ázimbaeva onlain konferentsiia barysynda.
Mine, sol sebepti Qaz Covid-in men Spýtnik V vaktsinalaryn jasaý tehnologiiasy múlde bólek.
«Alaida Bilim jáne ǵylym ministrligi vektorly vaktsinalardy da ázirlep jatqanyn atap ótý kerek. Biraq bul vaktsina ázirge janýarlarǵa synalyp jatyr. Adamdar arasynda synaý satylaryna taiaýda ótetin bolýy kerek. Ol jaily Bilim jáne ǵylym ministrligi tolyǵyraq túsindirip beredi», - dedi ol.
