Atyraýda ál-Farabi atyndaǵy BINOM mektebi mańynda jaiaý júrginshiler jolaǵynan ótip bara jatqan balany taǵy da kólik qaǵyp ketti, dep habarlaidy ult.kz.
Politsiianyń málimetinshe, 28 qyrkúiek kúni saǵat 13:30 shamasynda Nursaia shaǵynaýdanyndaǵy mektep mańynda Kia Rio avtokóliginiń júrgizýshisi jaiaý júrginshiler jolaǵymen ótip bara jatqan 2013 jyly týǵan balany qaǵyp ketken.
Zardap shekken bala oblystyq balalar aýrýhanasyna jetkizildi. Qazirgi ýaqytta politsiia jol-kólik oqiǵasynyń barlyq mán-jaiyn anyqtap jatyr.
Oqiǵanyń alańdatarlyq tusy - kóktemde dál osy aýmaqta kólik apatynyń saldary adam ólimimen aiaqtalǵan edi.
6 sáýirde osy mekteptiń mańynda Toyota Hiace shaǵyn avtobýsy jaiaý júrginshiler jolaǵynan ótip bara jatqan jeti jastaǵy birinshi synyp oqýshysyn qaǵyp, bala oqiǵa ornynda qaza tapqan edi.
Keiin sot júrgizýshini kináli dep tanyp, eki jylǵa bas bostandyǵynan aiyrdy. Sonymen qatar oǵan bes jyl boiy kólik quraldaryn basqarýǵa tyiym salyndy.
Osy qaiǵyly oqiǵadan keiin BINOM mektebi mańyndaǵy jol qaýipsizdigi máselesi birneshe ret kóterilgen bolatyn.
Alaida búgingi oqiǵaǵa qaraǵanda, atalǵan jaiaý júrginshiler ótkeli áli de balalar úshin qaýipti jolǵa ainalyp otyr.
