Densaýlyq saqtaý ministrligi Batys Qazaqstan oblysynda meditsinalyq qaldyqtardyń zańsyz tógilý faktisine bailanysty tergeý júrgizilip jatqanyn habarlady. Kináli tulǵalar zańǵa sáikes jaýapkershilikke tartylady, dep habarlaidy ult.kz.
Áleýmettik jelilerde Báiterek aýdanyna qarasty Baiqonys aýyly mańyndaǵy qoqys poligonynan meditsinalyq qaldyqtar tabylǵany týraly video taraǵan. Qaýipti qaldyqtar sý aidynyna jaqyn aýmaqqa kómilgeni anyqtalǵan.
Ministrlik málimetinshe, oqiǵa ornyna sanitariialyq-epidemiologiialyq qyzmet, quqyq qorǵaý organdary jáne ekologiialyq mamandar tartylyp, keshendi tekserý júrgizilgen. Barlyǵy 144 keli meditsinalyq qaldyq jinalyp, tárkilenip, kásiporyn aýmaǵyna jetkizilip, zattai dálel retinde mórlengen.
Qorshaǵan ortaǵa yqpalyn baǵalaý úshin topyraq synamalary alynyp, aýmaqta dezinfektsiialyq jumystar júrgizildi.
Qazirgi tańda materialdar quqyqtyq baǵa berý úshin ýákiletti organdarǵa jiberilgen. Zerthanalyq taldaýdyń aldyn ala nátijeleri 3–7 kún ishinde belgili bolady.
