دەنساۋلىق ساقتاۋ مينيسترلٸگٸ باتىس قازاقستان وبلىسىندا مەديتسينالىق قالدىقتاردىڭ زاڭسىز تٶگٸلۋ فاكتٸسٸنە بايلانىستى تەرگەۋ جٷرگٸزٸلٸپ جاتقانىن حابارلادى. كٸنەلٸ تۇلعالار زاڭعا سەيكەس جاۋاپكەرشٸلٸككە تارتىلادى, دەپ حابارلايدى ult.kz.
ەلەۋمەتتٸك جەلٸلەردە بەيتەرەك اۋدانىنا قاراستى بايقونىس اۋىلى ماڭىنداعى قوقىس پوليگونىنان مەديتسينالىق قالدىقتار تابىلعانى تۋرالى ۆيدەو تاراعان. قاۋٸپتٸ قالدىقتار سۋ ايدىنىنا جاقىن اۋماققا كٶمٸلگەنٸ انىقتالعان.
مينيسترلٸك مەلٸمەتٸنشە, وقيعا ورنىنا سانيتارييالىق-ەپيدەميولوگييالىق قىزمەت, قۇقىق قورعاۋ ورگاندارى جەنە ەكولوگييالىق ماماندار تارتىلىپ, كەشەندٸ تەكسەرۋ جٷرگٸزٸلگەن. بارلىعى 144 كەلٸ مەديتسينالىق قالدىق جينالىپ, تەركٸلەنٸپ, كەسٸپورىن اۋماعىنا جەتكٸزٸلٸپ, زاتتاي دەلەل رەتٸندە مٶرلەنگەن.
قورشاعان ورتاعا ىقپالىن باعالاۋ ٷشٸن توپىراق سىنامالارى الىنىپ, اۋماقتا دەزينفەكتسييالىق جۇمىستار جٷرگٸزٸلدٸ.
قازٸرگٸ تاڭدا ماتەريالدار قۇقىقتىق باعا بەرۋ ٷشٸن ۋەكٸلەتتٸ ورگاندارعا جٸبەرٸلگەن. زەرتحانالىق تالداۋدىڭ الدىن الا نەتيجەلەرٸ 3–7 كٷن ٸشٸندە بەلگٸلٸ بولادى.
