Balqashta «Qazaqmys korporatsiiasy» JShS jumyskerleri men stýdentterin praktikalyq daiarlaýǵa arnalǵan oqý-jattyǵý poligony ashyldy. 2026 jyl Qazaqmysta Qaýipsizdik jyly dep jariialandy. Osy bastama aiasynda kompaniia oqytýdyń praktikalyq baǵytyn kúsheitip, óndiristegi qaýipsiz minez-qulyq daǵdylaryn qalyptastyrýǵa múmkindik beretin quraldardy damytyp jatyr, dep habarlaidy ult.kz.
Poligonnyń ashylý rásimine «Qazaqmys korporatsiiasy» JShS Metallýrgiia jónindegi bas operatsiialyq direktory, «Kazakhmys Smelting» JShS bas direktory Jánibek Baiǵabelov, «Qazaqmys korporatsiiasy» JShS Eńbekti qorǵaý jónindegi basqarýshy direktory Janbek Esmahanov, tseh basshylary, Balqash óndiristik alańynyń eńbekti qorǵaý qyzmetiniń jetekshileri jáne óndiris ardageri Amangeldi Túkbaev qatysty.
Poligon ǵimaraty men aýmaǵynyń jalpy aýdany – 392,7 sharshy metr. Munda jeti oqý aimaǵy jabdyqtalǵan: alǵashqy kómek kórsetý, biiktikte jumys isteý, júk ilýshiler men besikshe operatorlaryn oqytý, órt sóndirýdiń bastapqy quraldary, LOTO, jabyq keńistikte jumys isteý jáne elektr qaýipsizdigi.
Ár aimaq naqty óndiristik daǵdyny tájiribe júzinde pysyqtaýǵa arnalǵan. Jumyskerler men stýdentter túrli jaǵdailardy modeldep, alǵashqy kómek kórsetý men biiktikte qaýipsiz jumys isteýden bastap, júkti jyljytý, órt oshaǵyn joiý jáne energiia kózin oqshaýlaý siiaqty jumystardy oryndaý kezinde durys áreket etý tártibin meńgeredi.
Poligonda Qazaqmystyń Balqash óńirindegi kásiporyndary men bólimsheleriniń jumyskerleri praktikalyq oqýdan ótedi. Teoriialyq daiyndyq pen nusqama ótkizý úshin 16 oryndyq oqý kabineti qarastyrylǵan.
Poligonnyń ashylýy jumyskerlerdi óndiristik jaǵdaiǵa barynsha jaqyn ortada daiarlaý múmkindigin keńeitedi. Aldaǵy ýaqytta onyń materialdyq-tehnikalyq bazasy jańa jabdyqpen jáne jattyqtyrǵyshtarmen birtindep tolyqtyrylyp otyrady.
Oqý poligony Qaýipsizdik jylynyń mindetterin iske asyrýǵa jáne Qazaqmysta qaýipsizdik mádenietin odan ári damytýǵa baǵyttalǵan praktikalyq quraldardyń birine ainalady. Júieli jumystyń jalǵasy retinde «Qazaqmys korporatsiiasy» JShS kompaniianyń barlyq óndiristik alańdarynda tájiribege baǵdarlanǵan oqytý baǵdarlamasyn aýqymdy túrde damytyp, engizýdi jalǵastyrady.
