Qazaqstanda alaiaqtar ózderin Ulttyq banktiń qyzmetkerleri retinde tanystyryp, azamattardyń aqshasyn «qaýipsiz shotqa» aýdarýǵa kóndirip júr. Keiingi bir jarym aida el boiynsha osyndai 39 derek tirkelgen, dep habarlaidy ult.kz.
Bas prokýratýranyń málimetinshe, alaiaqtar telefon shalyp, azamattardyń derbes derekteri taralyp ketkenin jáne shotyndaǵy aqshaǵa qaýip tónip turǵanyn aitady. Sodan keiin qarajatty «qaýipsiz shotqa» aýdarýdy talap etedi.
17 qyrkúiekte Jezqazǵan turǵyny dál osy tásilmen 9 mln teńgesinen aiyrylǵan. Ol depozitterindegi aqshany sheship alyp, alaiaqtardyń nusqaýymen úshinshi tulǵalardyń shottaryna aýdarǵan.
Qazir bul derek boiynsha sotqa deiingi tergeý júrip jatyr.
Bas prokýratýra Ulttyq bank pen memlekettik organdardyń qyzmetkerleri telefon arqyly nesie rásimdeýdi, múlikti satýdy nemese aqshany bógde shottarǵa aýdarýdy talap etpeitinin eskertti.
Azamattarǵa SMS-kod, parol, bank kartasynyń derekteri siiaqty qupiia aqparatty bógde adamdarǵa bermeý usynyldy.
