The Guardian basylymynyń habarlaýynsha, 11 elde synalǵan jańa qaterli isikke qarsy preparat birqatar naýqastaǵy isikterdi tolyq joiǵan, dep habarlaidy ult.kz.
Zertteý barysynda "amivantamab" preparaty bas jáne moiyn qaterli isigine shaldyqqan 102 naýqasqa qoldanylǵan. Bul naýqastardyń aýrýy buǵan deiingi emdeý ádisterine jaýap bermegen.
Nátijesinde:
- 15 naýqastyń isigi tolyq joiylǵan;
- 28 naýqastyń isigi aitarlyqtai kishireigen.
Uqsas nátijeler ókpe qaterli isigimen aýyratyn patsientter arasynda da baiqalǵan.
Londondaǵy Onkologiialyq zertteýler institýtynyń professory Kevin Harringtonnyń aitýynsha, bul – himioterapiia men immýnoterapiiaǵa tózimdi bolyp ketken naýqastar úshin buryn-sońdy bolmaǵan nátije.
"Emdeý múmkindigi óte shekteýli patsientter tobynda mundai kúshti áserdiń baiqalýy erekshe jetistik", – deidi ǵalym.
"Amivantamab" AQSh pen Eýropalyq odaqta 2021 jyldan beri qoldanýǵa maquldanǵan. Mamandardyń aitýynsha, preparat ásirese adam papilloma virýsymen (HPV) bailanysty emes isikterge qarsy tiimdi bolýy múmkin. Mundai qaterli isik túrleri ádette emge qiynyraq kónedi.
