Búgin, 8 qarashada Dohada (Qatar) Qazaqstan Respýblikasy men Katar memleketiniń aviatsiialyq bilikteri kelissózder júrgizdi, dep habarlaidy "Ult aqparat" QR IIDM baspasóz qyzmetine silteme jasap.
«Kelissózder nátijesinde Nur-Sultan men Doha arasynda aptasyna 7 reis, Almaty men Doha arasynda aptasyna 7 jolaýshy jáne 7 júk reisi, sondai-aq Qazaqstanda engizilgen 5-shi »áýe erkindigin« usynatyn »ashyq aspan« tártibi aiasynda turaqty reisti oryndaý úshin quqyqtyq baza bekitildi», delingen habarlamada.
Katar delegatsiiasyn Katar Azamattyq aviatsiia ákimshiliginiń prezidenti Abdýlla Naser Týrki Ál-Sýbai myrza basqarsa, al qazaqstandyq tarapqa QR IIDM Azamattyq aviatsiia komitetiniń tóraǵasy Talǵat Lastaev jetekshilik etti. Kelissózderge Qazaqstan Respýblikasynyń Katardaǵy elshisi Asqar Shoqybaev, Qatar Airways, Eir Astana, Almaty áýejaiynyń ókilderi qatysty.
«Qatar Airways» áýekompaniiasynyń aǵa vitse-prezidenti Fathi Atti myrzanyń aqparaty boiynsha, Nur-Sultan men Doha arasyndaǵy alǵashqy reister biylǵy jeltoqsan aiynda iske qosý josparlanyp otyr. Azamattyq aviatsiia komitetiniń málimetinshe, bul qazaqstandyq jolaýshylarǵa álemniń 160 baǵyty boiynsha saiahattaýǵa múmkindik beredi.
