Memleket basshysy Qasym-Jomart Toqaev Saiasi qýǵyn-súrgin jáne asharshylyq qurbandaryn eske alý kúnine bailanysty úndeý jasap, ótken ǵasyrdaǵy zulmat jyldardyń qurbandaryn eske alýdyń mańyzyn atap ótti, dep habarlaidy ult.kz.
Prezidenttiń aitýynsha, Qazaqstan halqy jyl saiyn 31 mamyr kúni saiasi qýǵyn-súrgin qurbandarynyń rýhyna taǵzym etedi. Ol tarihi jadyny saqtaý, zańdylyq qaǵidaty men ádildik qundylyqtaryna adal bolý ár azamattyń qasietti boryshy ekenin aitty.
"Qazaqstanda barsha azamattyń quqyqtary men bostandyqtaryn jan-jaqty qorǵaý úshin júieli túrde jaǵdai jasalyp jatyr. Memleketimizdiń osy mindeti 15 naýryzdaǵy jalpyulttyq referendým kezinde qabyldanǵan Konstitýtsiiada zań júzinde bekitildi. Biz bir qoǵam bolyp, ozyq oily el qurý jolyna bet burdyq. Bul – elimizde Ádildik, Zańdylyq, Otanshyldyq, Eńbekqorlyq, Tabiǵatqa súiispenshilik qaǵidattary airyqsha mańyzǵa ie bolady, sondai-aq, ǵylymdy, joǵary tehnologiialardy, mádenietti jáne eriktiler qozǵalysyn damytýǵa basa mán beriledi degen sóz.
Qazir búkil álem jurty Qazaqstandy barlyq salada tek alǵa qarai qadam basyp kele jatqan el retinde tanidy. Biz budan da biik belesterdi baǵyndyrý úshin qoǵamymyzdyń yntymaq-birligi men turaqtylyǵyn nyǵaita berýimiz kerek.
Qazaqstannyń bolashaǵy árdaiym jarqyn bolmaq! Men buǵan kámil senemin", — dedi Prezident óz úndeýinde.
