Foto: Qarjylyq monitoring agenttigi
2025 jyldyń 1–15 jeltoqsan aralyǵynda «Zań jáne tártip» jalpyulttyq naýqany aiasynda qarjylyq qaýipsizdikti arttyrýǵa baǵyttalǵan respýblikalyq kompiýterlik oiyn «Qarzhy Saqshysy» uiymdastyryldy.
Joba Qarjy monitoringi agenttigi men AML Academy birlesip, QR Bilim ministrliginiń qoldaýymen júzege asyryldy.
Interaktivti formatta qatysýshylar qarjylyq táýekelderdi anyqtap, virtýaldy qarjylardy basqaryp, qarjylyq qaýipsizdik boiynsha tapsyrmalardy oryndady. Mektep oqýshylary dropperlik, qarjylyq piramidalar belgilerin tanyp-bilip, fishing saittardy naqty saittardan ajyrata bilýdi úirendi.
Foto: Qarjylyq monitoring agenttigi
Oiynǵa Qazaqstannyń barlyq óńirlerinen 10–11 synyp oqýshylary men kolledjderdiń 1–2 kýrs stýdentteri, barlyǵy 800 myńnan astam qatysýshy qatysty. Jobanyń qorytyndysy boiynsha jeńimpazdar qundy syilyqtarmen marapattalatyn bolady.
«Qarzhy Saqshysy» qarjylyq saýatty jáne jaýapty urpaq qalyptastyrýdaǵy mańyzdy qadamǵa ainaldy jáne qarjylyq qaýipsizdik salasyndaǵy bilimdi arttyrý dástúrli túrde jyl saiyn ótkiziletin bolady.
