Arqalyq qalalyq soty «Araily Arqalyq» YouTube-arnasynyń avtory Qanat Álimbaevqa qatysty úkim shyǵardy. Sot ony birneshe aýyr qylmys boiynsha kináli dep tanyp, 10 jylǵa bas bostandyǵynan aiyrdy, dep habarlaidy ult.kz.
Tobolinfo.kz basylymynyń jazýynsha, Qanat Álimbaevtyń ustalǵany týraly aqparat biyl sáýir aiynda jariialanǵan bolatyn. Sol kezde Qostanai oblystyq politsiia departamenti qylmystyq is boiynsha tergeý júrgizilip jatqanyn habarlaǵan.
Tergeý málimetinshe, kúdikti áielderge qaryzǵa aqsha berip, keiin olardan jynystyq qatynas talap etken. Al bas tartqan jaǵdaida seksýaldyq sipattaǵy zorlyq áreketterine barǵan degen aiyp taǵylǵan.
Is materialdaryna sáikes, sottalýshyǵa Qylmystyq kodekstiń «Zorlaý», «Seksýaldyq sipattaǵy zorlyq-zombylyq áreketteri» jáne «Jynystyq qatynasqa májbúr etý» baptary boiynsha aiyp taǵyldy.
22 mamyrda Arqalyq qalalyq soty ony kináli dep tanyp, 10 jylǵa bas bostandyǵynan aiyrý jazasyn taǵaiyndady. Qorǵaýshy tarap úkimge apelliatsiialyq shaǵym túsirdi.
Istiń mán-jaiy jariia etilmeidi. Sot protsesi jabyq rejimde ótken bolýy múmkin, al sot aktisi ashyq derekkózderde jariialanbaǵan.
