Qazaqstan Respýblikasynyń Qorǵanys ministrligi Bas áskeri prokýratýranyń úilestirýimen «Tsifrlyq profilaktika» vedomstvoaralyq baǵdarlamasy aiasynda áskeri qyzmetshilerge arnalǵan ótinishterdi qabyldaýdyń tsifrlyq júiesin engizdi.
Jańa servis áskeri qyzmetshilerdiń quqyqtyq qorǵalý deńgeiin arttyrýǵa, quqyq buzýshylyqtardyń aldyn alýǵa jáne áskeri ujymdarda «Zań jáne tártip» qaǵidatyn nyǵaitýǵa baǵyttalǵan.
Tsifrlyq júieniń kómegimen áskeri qyzmetshiler kúsh qoldaný, zańsyz aqsha jinaý, psihologiialyq qysym kórsetý jáne ózge de quqyqqa qaishy áreketter týraly jedel túrde habarlai alady.
Kelip túsken ótinishterge qatysty ýaqtyly áreket etý maqsatynda Qazaqstan Respýblikasy Qarýly kúshteri Áskeri politsiiasy bas basqarmasynda biryńǵai «Jedel jeli» Call-ortalyǵy jumys isteidi.
Árbir kelip túsken habarlama belgilengen tártippen qaralyp, tiisti sharalar qabyldanady.
– Profilaktikanyń tsifrlyq quraldaryn engizý áskeri tártipti nyǵaitýǵa, quqyq buzýshylyqtardyń aldyn alýǵa jáne áskeri qyzmetti qaýipsiz ótkerýge jaǵdai jasaidy, – dedi QR QK Áskeri politsiiasy bas basqarmasynyń profilaktika basqarmasynyń bastyǵy podpolkovnik Ádilhan Qaliev.
Sondai-aq ol áskeri qyzmetshiler zań buzýshylyq faktilerine beijai qaramaýy jáne quqyqqa qaishy áreketter týraly ýákiletti organdarǵa der kezinde habarlaýy tiis ekenin atap ótti.
Ótinishterge jedel áreket etý quqyq buzýshylyqtardyń aldyn alýǵa, olardyń bastapqy kezeńde jolyn kesýge jáne áskeri ujymdarda zańdylyq pen quqyqtyq tártiptiń múltiksiz saqtalýyn qamtamasyz etýge múmkindik beredi.
Ótinishter kelesi nómir boiynsha qabyldanady: +7 700 081 11 19.
