22 jastaǵy jigit qart ákesin aiaýsyz soqqyǵa jyǵyp, bolǵan oqiǵany videoǵa túsirip alǵan, dep habarlaidy ult.kz.
Sumdyq jaǵdai Soltústik Qazaqstan oblysy Shal aqyn aýdanynyń Birlik aýylynda bolǵan.
Oqiǵa túsirilgen beine áleýmettik jelilerde tez tarady. Kadrlarda jas jigittiń qart ákesin balaǵattap, oǵan qol kótergeni anyq kórinedi.
Video jariialanǵannan keiin politsiia tekserý jumystaryn bastap, kóp uzamai kúdiktiniń jeke basyn anyqtady. Ol – zeinetkerdiń óz uly bolyp shyqty.
Zardap shekken qariia sot-meditsinalyq saraptamadan ótýden jáne ulynyń ústinen aryz jazýdan bas tartqan. Soǵan qaramastan, politseiler oqiǵaǵa quqyqtyq baǵa berip, isti sotqa joldady.
«Aýyl turǵyny kináli dep tanylyp, oǵan bes táýlikke ákimshilik qamaýǵa alý jazasy taǵaiyndaldy», – dedi Soltústik Qazaqstan oblysy politsiia departamentiniń aqparattyq saiasat basqarmasynyń jetekshisi Sán Jumaǵazina.
Politsiia turmystyq zorlyq-zombylyq faktileri quqyq qorǵaý organdarynyń nazarynan tys qalmaitynyn eskertti. Jábirlenýshi aryz jazbasa da, mundai jaǵdailar boiynsha mindetti túrde tekserý júrgizilip, zańda kózdelgen sharalar qabyldanady.
