Foto: Akorda.kz
Memleket basshysy «Qarmet» AQ direktorlar keńesiniń tóraǵasy, Allur kompaniialar tobynyń basshysy Andrei Lavrentevti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa «Qarmet» kásipornynyń qazirgi jai-kúii, qalypty jumysqa kóshý sharalary, sondai-aq óndiris kólemin ulǵaitý, eńbek qaýipsizdiginiń deńgeiin kóterý jospary týraly baiandaldy.
Kezdesý barysynda Memleket basshysy kásiporyn qyzmetkerleriniń qaýipsizdigin qamtamasyz etý, apattyq jaǵdailardy boldyrmaý maqsatynda qural-jabdyqtar men materialdyq-tehnikalyq bazany barynsha jańǵyrtý jumystaryn júrgizý asa mańyzdy ekenin atap ótti.
Qazaqstan Prezidentine «Qarmet» kompaniiasynyń basshylyǵy metallýrgter jáne kómir óndirýshiler kásipodaǵymen kezdesý ótkizgeni týraly baiandaldy. Onda eńbek sharty, ujym úshin mańyzdy sheshimder qabyldaýda ózara yqpaldastyqty odan ári jalǵastyrý máseleleri talqylanǵan. Kezdesý qorytyndysy boiynsha kompaniia men qyzmetkerler arasynda bolashaq ujymdyq shartty birlesip ázirleý týraly kelisimge qol qoiylǵan.
Andrei Lavrentevtiń aitýynsha, «Qarmet» kompaniiasy óndiris kólemin arttyrý, Ortalyq Aziia men TMD-da metallýrgiia salasy boiynsha kóshbasshy kásiporyndardyń biri retindegi mártebesin 2028 jylǵa qarai qaitarý jóninde strategiialyq maqsat qoiyp otyr. Kózdelgen maqsattardy iske asyrý úshin jylyna bolat óndirisin 64 paiyzǵa (5 million tonnaǵa deiin), temir keni kontsentratyn 88 paiyzǵa (5 million tonnaǵa deiin) jáne kómir óndirýdi 47 paiyzǵa (9 million tonnaǵa deiin) ulǵaitý josparlanǵan.
Sonymen qatar Qasym-Jomart Toqaev óńirdegi ekologiia máselesine erekshe nazar aýdaryp, jabdyqtardy gazǵa kóshirý arqyly Temirtaý qalasyndaǵy ekologiialyq ahýaldy saýyqtyrý úshin túbegeili sharalar qabyldaý qajet ekenin atap ótti.
Budan bólek, Memleket basshysyna Allur mashina jasaý kásiporny jumysynyń nátijesi men damý jospary týraly málimet berildi.
2023 jyly zaýyt 90 myńnan astam tehnika shyǵardy. Bul – otandyq mashina jasaý salasyndaǵy rekordtyq kórsetkish. Biyl naýryz aiynda Chevrolet Onix avtomobilderin usaq bólshekterden qurastyrý óndirisi iske qosylady. Škoda avtomobilderi seriiasyn shyǵarýǵa arnalǵan jabdyqtar retke keltirilip jatyr. Qostanai qalasynyń indýstriialyq aimaǵynda qýaty jylyna 70 myń mashina óndirýge jetetin Kia Qazaqstan zamanaýi zaýyty salynýda.
Kezdesý sońynda Memleket basshysy eńbek qaýipsizdigin qamtamasyz etý úshin keshendi sharalar qabyldaý mańyzdy ekenin atap ótip, investitsiialyq jobalardyń ýaqytyly júzege asyrylýyn jalǵastyrýdy, sonyń ishinde ekologiiany jaqsartýǵa baǵyttalǵan jumystarǵa basa mán berýdi tapsyrdy.
