«Qarmet» kompaniiasy, «QazTransOil» AQ jáne onyń enshiles uiymy – «Magistraldyq sý qubyry» JShS metall synyqtaryn tikelei jetkizý jóninde kelisimderge qol qoidy. Yntymaqtastyq otandyq óndiristi qoldaýǵa, el ishindegi ónerkásiptik kooperatsiiany damytýǵa jáne Qazaqstan aýmaǵynda shikizatty qaita óńdeý kólemin ulǵaitýǵa baǵyttalǵan.
Qol jetkizilgen kelisimder qazaqstandyq kásiporyndardy strategiialyq mańyzy bar shikizatpen qamtamasyz etýdiń tiimdi tetigin qalyptastyrý maqsatynda kompaniialardyń, memlekettik organdardyń jáne salalyq qaýymdastyqtardyń birlesken jumysynyń nátijesi boldy.
Tikelei jetkizilimderdi uiymdastyrý úshin «QazTransOil» kompaniialar toby qajetti daiyndyq jumystaryn júrgizdi. Atap aitqanda, qara jáne tústi metall synyqtary men qaldyqtaryn kóterme saýdada ótkizýge ruqsat aldy, quryltai qujattaryna ózgerister engizip, ónimdi ótkizýge qatysty ishki rásimderdi bekitti.
«QazTransOil» AQ men «Qarmet» AQ arasyndaǵy kelisim bir jyl merzimge, al «Magistraldyq sý qubyry» JShS-men jasalǵan kelisim bes jylǵa jasaldy. Yntymaqtastyqtyń kelesi kezeńinde paidalanylǵan qubyr ónimderin jetkizý jónindegi kelisimge qol qoiý josparlanyp otyr.
Tikelei maqsatty jetkizilimder «Qarmet»-ke metallýrgiialyq óndiris úshin qosymsha shikizat kólemin alýǵa, ony el ishinde qaita óńdeý úlesin arttyrýǵa jáne ekinshi rettik materialdyq resýrstardy tiimdi paidalanýǵa múmkindik beredi.
«Qarmet» pen «QazTransOil» arasyndaǵy yntymaqtastyq ónerkásiptik kooperatsiiany damytý men otandyq óndiristik áleýetti nyǵaitýǵa baǵyttalǵan taǵy bir naqty qadam bolmaq.
