Foto: Qarmet
Qarmet kompaniiasy Qaraǵandy oblysynda jylyna 250 myń tonnaǵa deiin ónim shyǵaratyn qubyr ilemdeý stanynyń qurylysyn kózdeitin jobany iske qosýdy josparlap otyr. Bul týraly Ult.kz Energy Monitor telegram-arnasyna silteme jasap habarlaidy.
Aldyn ala málimetterge sáikes, kásiporyn tik tigisti qubyrlar men oǵan qatysty ónim túrlerin óndiretin bolady. Joba kompaniianyń óndiristik qýattaryn tehnologiialyq jańǵyrtý jáne qubyr óndirisi baǵytyn damytý aiasynda qarastyrylyp otyr.
Mańyzdy jait — qurylys jumystary tikelei quiý-ilemdeý kesheniniń (QIK) múmkindikterimen bailanystyrylady. QIK-ta shyǵarylatyn ystyqtai ilengen prokattyń eni jańa qubyr ilemdeý stanyn qajetti shtripspen syrtqy jetkizýshilerge táýeldi bolmai tolyq qamtamasyz etýge múmkindik beredi.
Osylaisha tuiyq óndiristik tizbek qalyptasýy múmkin:
QIK → ystyqtai ilengen shtrips → tik tigisti qubyr.
Naryq úshin bul QIK-tiń qosymsha júktelýin, daiyn ónim túrleriniń keńeiýin, qubyrlardyń ózindik qunynyń tómendeýin jáne Qarmet kompaniiasynyń qubyr segmentindegi pozitsiiasynyń nyǵaiýyn bildirýi yqtimal.
Eger bul aqparat resmi túrde rastalsa, joba óńir metallýrgiiasy úshin negizgi indýstriialyq oqiǵalardyń birine ainalýy múmkin.
