فوتو: Qarmet
Qarmet كومپانيياسى قاراعاندى وبلىسىندا جىلىنا 250 مىڭ تونناعا دەيٸن ٶنٸم شىعاراتىن قۇبىر يلەمدەۋ ستانىنىڭ قۇرىلىسىن كٶزدەيتٸن جوبانى ٸسكە قوسۋدى جوسپارلاپ وتىر. بۇل تۋرالى Ult.kz Energy Monitor تەلەگرام-ارناسىنا سٸلتەمە جاساپ حابارلايدى.
الدىن الا مەلٸمەتتەرگە سەيكەس, كەسٸپورىن تٸك تٸگٸستٸ قۇبىرلار مەن وعان قاتىستى ٶنٸم تٷرلەرٸن ٶندٸرەتٸن بولادى. جوبا كومپانييانىڭ ٶندٸرٸستٸك قۋاتتارىن تەحنولوگييالىق جاڭعىرتۋ جەنە قۇبىر ٶندٸرٸسٸ باعىتىن دامىتۋ اياسىندا قاراستىرىلىپ وتىر.
ماڭىزدى جايت — قۇرىلىس جۇمىستارى تٸكەلەي قۇيۋ-يلەمدەۋ كەشەنٸنٸڭ (قيك) مٷمكٸندٸكتەرٸمەن بايلانىستىرىلادى. قيك-تا شىعارىلاتىن ىستىقتاي يلەنگەن پروكاتتىڭ ەنٸ جاڭا قۇبىر يلەمدەۋ ستانىن قاجەتتٸ شتريپسپەن سىرتقى جەتكٸزۋشٸلەرگە تەۋەلدٸ بولماي تولىق قامتاماسىز ەتۋگە مٷمكٸندٸك بەرەدٸ.
وسىلايشا تۇيىق ٶندٸرٸستٸك تٸزبەك قالىپتاسۋى مٷمكٸن:
قيك → ىستىقتاي يلەنگەن شتريپس → تٸك تٸگٸستٸ قۇبىر.
نارىق ٷشٸن بۇل قيك-تٸڭ قوسىمشا جٷكتەلۋٸن, دايىن ٶنٸم تٷرلەرٸنٸڭ كەڭەيۋٸن, قۇبىرلاردىڭ ٶزٸندٸك قۇنىنىڭ تٶمەندەۋٸن جەنە Qarmet كومپانيياسىنىڭ قۇبىر سەگمەنتٸندەگٸ پوزيتسيياسىنىڭ نىعايۋىن بٸلدٸرۋٸ ىقتيمال.
ەگەر بۇل اقپارات رەسمي تٷردە راستالسا, جوبا ٶڭٸر مەتاللۋرگيياسى ٷشٸن نەگٸزگٸ يندۋسترييالىق وقيعالاردىڭ بٸرٸنە اينالۋى مٷمكٸن.
