Almatyda balyq aýlap otyrǵan er adam qarmaǵyna ilikken aýyr zatty sýdan shyǵaryp, kútpegen jaǵdaiǵa tap boldy. Onyń qarmaǵyna balyqtyń ornyna oq-dári salynǵan sómke ilingen, dep habarlaidy ult.kz.
Oqiǵa Túrksib aýdanyndaǵy «Maiak» qalalyq kólinde bolǵan. Balyqshy qarmaǵyn sýǵa tastaǵan kezde ilmektiń áldebir aýyr zatqa ilingenin sezgen. Jibin tartyp, zatty sýdan shyǵarǵanda, onyń sómke ekenin baiqaǵan. Sómkeni ashyp qaraǵan kezde ishinen oq-dáriler tabylǵan.
Kýáger bul týraly dereý politsiiaǵa habarlaǵan. Saǵat 17:30 shamasynda «102» pýltine túsken qońyraýdan keiin oqiǵa ornyna Túrksib aýdandyq politsiia basqarmasynyń jedel-tergeý toby barǵan.
Politsiia qyzmetkerleri tabylǵan oq-dárilerdi tárkiledi. Qazir olardyń túri men shyǵý tegin anyqtaý úshin ballistikalyq saraptama taǵaiyndaldy. Mamandar oq-dárilerdiń qaidan shyqqanyn jáne kimge tiesili bolǵanyn anyqtaýy tiis.
Atalǵan fakti boiynsha qylmystyq is qozǵalyp, tergeý amaldary júrgizilip jatyr.
