Qaraǵandy oblysynda «Keń Dala 2» baǵdarlamasy aiasynda kóktemgi egis jáne egin jinaý jumystaryna bólingen 300 mln teńge nesie qarajatyn jymqyrý deregi boiynsha tergeý júrip jatyr, dep habarlaidy ult.kz.
Qarjylyq monitoring agenttiginiń málimetinshe, 2025 jylǵy mamyrda «Agrarlyq nesie korporatsiiasy» AQ filialy «Rashan» JShS-ne ainalym qarajatyn tolyqtyrý úshin 300 mln teńge qaryz bergen. Qaryzdyń oryndalýyna «Damý» kásipkerlikti damytý qory kepildik bergen.
Qarajattyń shamamen 148 mln teńgesi tuqym satyp alýǵa, al 152 mln teńgesi aýyl sharýashylyǵy tehnikasyn jalǵa alýǵa, janar-jaǵarmai men jumysshylardyń eńbekaqysyna jumsalady dep kórsetilgen. Alaida tergeý barysynda tuqym satyp alynbaǵany, tehnika jalǵa alynbaǵany jáne kórsetilgen jer telimderine egin egilmegeni anyqtalǵan.
Is boiynsha «Rashan» JShS direktory kúdikti dep tanyldy. Sot sanktsiiasymen onyń múlkine tyiym salyndy.
Qazir tergeý jalǵasyp jatyr. QMA Qylmystyq-protsestik kodekstiń 201-babyna sáikes, tergeý múddesine bailanysty istiń ózge mán-jailary jariialanbaitynyn habarlady.
