قاراعاندى وبلىسىندا «كەڭ دالا 2» باعدارلاماسى اياسىندا كٶكتەمگٸ ەگٸس جەنە ەگٸن جيناۋ جۇمىستارىنا بٶلٸنگەن 300 ملن تەڭگە نەسيە قاراجاتىن جىمقىرۋ دەرەگٸ بويىنشا تەرگەۋ جٷرٸپ جاتىر, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, 2025 جىلعى مامىردا «اگرارلىق نەسيە كورپوراتسيياسى» اق فيليالى «راشان» جشس-نە اينالىم قاراجاتىن تولىقتىرۋ ٷشٸن 300 ملن تەڭگە قارىز بەرگەن. قارىزدىڭ ورىندالۋىنا «دامۋ» كەسٸپكەرلٸكتٸ دامىتۋ قورى كەپٸلدٸك بەرگەن.
قاراجاتتىڭ شامامەن 148 ملن تەڭگەسٸ تۇقىم ساتىپ الۋعا, ال 152 ملن تەڭگەسٸ اۋىل شارۋاشىلىعى تەحنيكاسىن جالعا الۋعا, جانار-جاعارماي مەن جۇمىسشىلاردىڭ ەڭبەكاقىسىنا جۇمسالادى دەپ كٶرسەتٸلگەن. الايدا تەرگەۋ بارىسىندا تۇقىم ساتىپ الىنباعانى, تەحنيكا جالعا الىنباعانى جەنە كٶرسەتٸلگەن جەر تەلٸمدەرٸنە ەگٸن ەگٸلمەگەنٸ انىقتالعان.
ٸس بويىنشا «راشان» جشس ديرەكتورى كٷدٸكتٸ دەپ تانىلدى. سوت سانكتسيياسىمەن ونىڭ مٷلكٸنە تىيىم سالىندى.
قازٸر تەرگەۋ جالعاسىپ جاتىر. قما قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋ مٷددەسٸنە بايلانىستى ٸستٸڭ ٶزگە مەن-جايلارى جارييالانبايتىنىن حابارلادى.
