Qostanai oblysyndaǵy áigili «Qara búrkit» koloniiasynda da «Sońǵy qońyraý» soǵyldy, dep habarlaidy ult.kz.
Oblystyq Qylmystyq-atqarý júiesi departamentiniń málimetinshe, Jitiqara qalasyndaǵy №39 qatań rejimdegi mekemede mektep baǵdarlamasyn aiaqtaǵan sottalǵandarǵa arnaiy shara uiymdastyrylǵan.
Resmi aqparatqa sáikes, bilim alǵandar — ómir boiyna sottalǵandar emes, mekemeniń sharýashylyq jumystaryna tartylǵan azamattar. Olar ashana, tazalyq jáne ishki sharýashylyqqa jaýap beretin top quramynda jazasyn ótep júr.
Mekemede ótken sharada sottalǵandar gitaramen án aityp, bir-birine izgi tilekterin arnaǵan. Uiymdastyrýshylardyń aitýynsha, kesh jyly atmosferada ótken.
Sondai-aq túlekterge jańa maqsat qoiyp, ómirge basqa kózqaraspen qaraýǵa bailanysty aqyl-keńester aitylǵan.
Aita keteiik, «Qara búrkit» koloniiasy Qazaqstandaǵy eń qatań rejimdegi abaqtylardyń biri sanalady. Munda asa aýyr qylmys jasaǵandar jazasyn óteidi.
