Qabardin-Balqariiadaǵy Bezengi shatqalynda Mijirgi taýynyń baýraiynan qar kóshkini túsip, 11 alpinist qaza tapty. Taǵy alty adam jaraqat alyp, aýrýhanaǵa jetkizilgen, dep habarlaidy ult.kz.
«Naqtylaǵan aqparat boiynsha, 10 adam taýdan ózdiginen túsken. Alty alpinist jaraqat alyp, meditsinalyq mekemelerge jetkizildi. Ókinishke qarai, 11 adam ómirmen qosh aitysty», – delingen habarlamada.
Qutqarýshylardyń málimetinshe, alpinister tobynyń quramynda barlyǵy 33 adam bolǵan.
Oqiǵa 6 qyrkúiek keshke bolǵan. Mijirgi taýynan qar kóshkini túsip, belgilengen marshrýtpen ótip bara jatqan alpinister tobyn basyp qalǵan. Olar sol kezde Bezengi shatqalynda bolǵan.
