Qapshaǵai qalasyndaǵy áskeri bólimde merzimdi áskeri qyzmetin ótep júrgen 2006 jyly týǵan sarbaz aýyr jaraqat alyp, jansaqtaý bólimine tústi. Onyń týystary resmi nusqaǵa kúmán keltirip, oqiǵanyń barlyq mán-jaiyn ashýdy talap etip otyr, dep habarlaidy ult.kz.
Bul týraly áleýmettik jelide jýrnalist Gúlmira Ábiqai baiandady. Áskerde júrgen Janat Sanjar Damiruly tórtinshi qabattan qulap ketken. Alaida jaqyndarynyń aitýynsha, ol áskerge shaqyrylǵaly beri ata-anasymen únemi bailanysta bolǵan jáne qyzmetine nemese densaýlyǵyna qatysty eshqandai shaǵym aitpaǵan.
Týystarynyń sózinshe, sarbazdyń ata-anasy oǵan oqiǵa bolardyń aldynda ǵana baryp, jaǵdaiynyń jaqsy ekenin kórip qaitqan. Al kelesi kúni túnde onyń tórtinshi qabattan qulaǵany týraly habar jetken.
Qazirgi ýaqytta jas jigit jansaqtaý bóliminde jatyr. Aldyn ala málimet boiynsha, onyń birneshe qabyrǵasy synǵan, ókpesi, búiregi zaqymdanǵan jáne qýyǵy jarylǵan.
Sarbazdyń jaqyndary onyń óz erkimen terezeden sekirgenine senbeitinderin aityp otyr. Olardyń aitýynsha, jigittiń bolashaqqa jospary kóp bolǵan jáne mundai qadamǵa barýy múmkin emes. Osyǵan bailanysty olar oqiǵa bolǵan sáttiń beinebaqylaý kameralaryndaǵy jazbalaryn jariialap, istiń jan-jaqty ári ádil tergelýin talap etýde.
