Áleýmettik jelilerde Qamshybek Tashiev qatysqan delinetin jasyryn beinejazba tarady. Kadrlarda daýysy men kelbeti burynǵy Ulttyq qaýipsizdik memlekettik komiteti basshysyna uqsaityn adam belgisiz tulǵalarmen Qyrǵyzstandaǵy yqtimal aýqymdy narazylyqtar týraly áńgimelesip otyrǵany kórinedi, dep habarlaidy ult.kz.
«2005 jyly men kóshege shamamen 10 myń adamdy shyǵardym, sodan keiin bári bastaldy. Qazirgi tynyshtyq – aldamshy. Adamdar sál ǵana qozǵala bastasa, keiin olardy toqtatý múmkin bolmaidy», – deidi videodaǵy adam.
Ázirge bul beinejazbanyń túpnusqalyǵy bilik tarapynan rastalǵan joq. Sondai-aq Tashievtiń bul sózderdi qashan jáne qandai jaǵdaida aitqany da belgisiz.
Burynǵy arnaiy qyzmet basshysy «75-tiń haty» dep atalatyn is boiynsha aiyptalýshy retinde ótýde. Oǵan «Bilikti kúshpen basyp alýǵa áreket jasaý» jáne «Qyzmettik ókilettigin asyra paidalaný» baptary boiynsha aiyp taǵylǵan. Aiyptardyń aýyrlyǵyna qaramastan, Qamshybek Tashiev elden shyqpaý týraly qolhatpen bostandyqta júr jáne burynǵydai resmi is-sharalarǵa qatysyp keledi.
