Foto: QR MAM
Qalibek Qýanyshbaev atyndaǵy Qazaq ulttyq mýzykalyq drama teatry sahnasynda «Sheńber» atty jańa qoiylym kórermenge jol tartty, dep habarlaidy Ult.kz.
Bul qoiylym áigili nemis dramatýrgi Bertolt Brehttiń álemdik teatr klassikasyna ainalǵan «Kavkazdaǵy borly sheńber» pesasynyń jelisimen sahnalandy.
Qalleki teatr laboratoriiasynyń bul týyndysy teatr súier qaýymnyń qyzyǵýshylyǵyn oiatyp, erekshe yqylasqa bólendi.
«Sheńber» – adamgershilik, ádilettilik jáne ana mahabbaty sekildi tereń taqyryptardy qozǵaityn qoiylym. Epikalyq drama janrynda qoiylǵan spektakl kórermendi san túrli sezimge bólep, ýaqyt pen keńistiktiń shekarasynan tys adamzattyq qundylyqtardy oi eleginen ótkizýge shaqyrady.
Qoiylym barysynda Brehttiń oqshaýlaný ádisi qoldanylǵan, bul akterlik oiyn men kórermen arasyndaǵy qarym-qatynasty jańa deńgeide uǵynýǵa múmkindik beredi. Spektakl kórermen júregin terbep, adamgershilik pen ádilettilik týraly tereń oiǵa jeteleidi.
«Sheńber» – tek teatr ónerin baǵalaýshylar úshin ǵana emes, jalpy adamzattyq qundylyqtarǵa bei-jai qaramaityn kez kelgen kórermen úshin erekshe áser qaldyratyn qoiylym.
