Foto: QR MAM
Qazaqstandyq rejissior Dýman Erkimbektiń debiýttik tolyqmetrajdy filmi «QAITADAN» úsh apta ishinde 1 mlrd teńgeden astam tabys jinap, otandyq kinoprokatta kósh bastady. Film – kino óndirisine jumsalǵan memleket qarajatynan bes ese artyq tabys tapqan alǵashqy joba, dep habarlaidy Ult.kz.
Kórermen kózaiymyna ainalǵan «QAITADAN» kinosynyń oqiǵa jelisi, vizýaly erekshe áser qaldyrady. Bul film – kórkem shyǵarma ǵana emes, shynaiy sezimge negizdelgen, tereń dramalyq mazmundaǵy týyndy. Kino astarynda qaýipsizdik, jaýapkershilik pen birlik ideiasy bar, ári jastardy dostyqqa, baýyrmaldyqqa jeteleidi. Ár dialog – búgingi qoǵamǵa oi salady. Filmde otbasy institýty dáriptelip, áleýmettik jaýapkershilik pen adamgershilik qaǵidattary kórinis tabady.
«QAITADAN» – qazaq kinosynyń jańa beleske kóterilgenin aiǵaqtaityn film. 2023 jyly pitching jeńimpazy atanǵan bul joba QR Mádeniet jáne aqparat ministrligi jáne Ulttyq kinony qoldaý memlekettik ortalyǵynyń qoldaýymen túsirilgen bolatyn.
Ulttyq kinony qoldaý memlekettik ortalyǵynyń Basqarma tóraǵasy Qurmanbek Jumaǵalidyń aitýynsha búginde Qazaqstannyń kinoindýstriiasy qarqyndy damyp keledi. Bul ulttyq kontentti ilgeriletýge, turaqty qoldaý júiesin qalyptastyrýǵa jáne halyqaralyq yntymaqtastyqty keńeitýge múmkindik berip otyr. Sonyń arqasynda jas rejisserler men debiýttik jobalardyń aldynda jańa perspektivalar ashyldy. «QAITADAN» – osynyń aiqyn dáleli.
