Aktrisa Juldyz Ábdikárimova úlken qyzy Sezimge qatysty jazba jariialap, oqyrmandarynan kómek surady, dep habarlaidy ult.kz.
Qairat Nurtastyń jary Londonda bilim alyp jatqan qyzy men onyń qurbylaryna páter jaldaý úshin guarantor, iaǵni kepilger qajet ekenin aitqan.
Onyń sózinshe, kepilger Ulybritaniiada turatyn, jyljymaityn múligi bar, resmi tabysyn rastai alatyn adam bolýy kerek. Sonymen qatar onyń tabysy jetkilikti deńgeide, kredittik tarihy jaqsy bolýy jáne agenttik júrgizetin tekseristen ótýge daiyn bolýy qajet.
Ábdikárimovanyń aitýynsha, stýdentter úshin agenttik arqyly qosymsha kepildik rásimdeý qiyndyq týǵyzyp otyr. Sondyqtan talaptarǵa sai keletin nemese sondai adamdy tanityn jandardan kómek suraǵan.
«Londonda oqityn qyzymyzǵa jáne onyń qurbylaryna páter jaldaýǵa guarantor izdeimiz. Kómektese alatyn nemese osyndai adamdy biletin jandar bolsa, jeke habarlamaǵa jazsańyzdar eken. Barlyq sharttar men qajetti qujattardy jeke túsindirip beremiz», – dep jazdy ol.
