Álemniń 28-raketkasy, qazaqstandyq Iýliia Pýtintseva Melbýrndaǵy Grampians Trophy WTA 500 týrnirin sátti bastady, dep habarlaidy "Ult aqparat".
Aýstraliiada qatań karantinde bolǵan tennisshiler úshin arnaiy uiymdastyrylǵan jarysta Iu.Pýtintseva alǵashqy kezdesýin reitingte 191-orynda turǵan ispaniialyq Djeordjina Garsiia Perespen ótkizdi.
Barynsha tartysty órbigen birinshi partiia taǵdyry tai-breikte sheshildi. Tai-breikte qazaqstandyq tennisshi bet qaratpady – 7:6 (7:1).
Ekinshi partiiada esep 3.3 bolǵan mezette Iu.Pýtintseva breik jasap, alǵa ketti. Aqyry osy basymdylyǵyn saqtap qala aldy – 6:4.
Báseke 1 saǵat 43 minýtqa sozyldy.
Iu.Pýtintseva ekinshi ainalymda álemniń 13-raketkasy, Belarýs ókili Viktoriia Azarenkomen kúsh synasady.
Qazaqstannyń birinshi, álemniń 19-raketkasy Elena Rybakina dodany ekinshi ainalymnan bastaidy. Ol reitingte 66-satydaǵy chehiialyq Barbora Kreichikovamen sheberlik baiqasady.
