Foto: videodan kadr
Eske sala ketsek, keshe (27 qarasha) Resei prezidenti Vladimir Pýtinniń Astanaǵa memlekettik sapary kezinde internette «Astana Opera» teatry janyndaǵy LED-ekranda Resei týynyń ornyna Ýkraina týy paida bolǵany týraly kadrlar taraǵan edi.
Bul jaǵdai hakerlik shabýyl bolýy múmkin degen boljamdar týyndady. Alaida «Kerýen Media» kompaniiasynyń ókilderi Resei týynyń Ýkraina týynyń tústerine boialýy kabeldiń tuiyqtalýynan bolǵanyn túsindirdi.
Ishki ister ministrliginiń baspasóz qyzmeti bul oqiǵaǵa qatysty túsinikteme berdi:
"Keshe «Kerýen Media» JShS-ne qatysty oqiǵa boiynsha Qazaqstan Respýblikasynyń Ishki ister ministrligi tergeý amaldaryn bastady. Qazirgi ýaqytta oqiǵanyń barlyq yqtimal nusqalary, onyń ishinde tehnikalyq aqaýlar men jabdyqtyń jumysyna syrttan zańsyz aralasý múmkindigi de qarastyrylýda. Qylmystyq is qozǵaldy".
Vedomstvo barlyq mán-jai anyqtalatynyn jáne kináliler tabylǵan jaǵdaida jaýapqa tartylatynyn habarlady.
