Qazaqstan prezidenti Qasym-Jomart Toqaev 28 mamyrda Resei prezidenti Vladimir Pýtindi, Belarýs prezidenti Aleksandr Lýkashenkony, Qyrǵyzstan prezidenti Sooronbai Jeenbekovti «Qazaqstan Respýblikasynyń Tuńǵysh Prezidenti - Elbasy Nursultan Nazarbaev» ordenimen marapattady.
«Eýraziialyq integratsiia ideiasynyń 25 jyldyǵyna jáne Eýraziialyq ekonomikalyq odaq týraly shartqa qol qoiýdyń 5 jyldyǵyna orai, sondai-aq Qazaqstan Respýblikasymen yntymaqtastyqty tereńdetý men keńeitýge qosqan airyqsha úlesi úshin «Qazaqstan Respýblikasynyń Tuńǵysh Prezidenti - Elbasy Nursultan Nazarbaev» ordenimen Resei Federatsiiasynyń Prezidenti Pýtin Vladimir Vladimirovich, Belarýs Respýblikasynyń Prezidenti Lýkashenko Aleksandr Grigorevich, Qyrǵyz Respýblikasynyń Prezidenti Jeenbekov Sooronbai Sharipovich nagradtalsyn» delingen resmi jarlyqta.
Osy Jarlyq qol qoiylǵan kúninen bastap qoldanysqa engiziledi.
Aita ketsek, Tuńǵysh Prezident ordenimen eldiń qalyptasýyna, órkendeýine jáne dańqyna yqpal etetin memlekettik jáne qoǵamdyq qyzmettegi erekshe eńbegi úshin Qazaqstan azamattary, sondai-aq Qazaqstan Respýblikasyna sińirgen erekshe eńbegi úshin shet memleketter men úkimetterdiń basshylary marapattalady.
Jannur Bolatova
