Foto: ©RIA Novosti
Resei prezidenti Vladimir Pýtin eldiń tutastyǵyn qorǵaý úshin qolyndaǵy barlyq múmkindikti paidalanýǵa daiyn ekenin málimdedi, - dep habarlaidy Tengrinews.kz.
Resei basshysy Vashington, London jáne Briýssel Kievti Reseige qarsy áskeri operatsiia uiymdastyrýǵa itermelep jatqanyn aitty.
"Osyndai málimdemelerge jol beretinderge, bizdiń elde de túrli qyryp-joiý quraldary bar ekenin eske salǵym keledi. Al jeke quramdas bólikterine keletin bolsaq bizdegiler NATO elderine qaraǵanda zamanaýi. Biz halqymyzdy qorǵaý úshin qolymyzdaǵy barlyq quraldardy paidalanamyz. Bul - blef emes. Resei azamattary Otanymyzdyń aýmaqtyq tutastyǵyna, táýelsizdigimiz ben bostandyǵymyzǵa senimdi bolýy kerek.
Taǵy atap ótemin: qolymyzdaǵy barlyq quraldarmen. Al bizdi iadrolyq qarýmen bopsalaýǵa tyrysatyndar jeldiń de óz baǵytyna burylýy múmkin ekenin bilýi kerek", - dedi Resei prezidenti halyqqa joldaýynda.
