Foto: ashyq derekkóz
Pýtin iadrolyq doktrinanyń jańa nusqasyn bekitti — oǵan sáikes, iadrolyq qarý tipti ushqyshsyz apparattardyń shabýylyna jaýap retinde qoldanylýy múmkin, dep habarlaidy Ult.kz.
"Novaia gazeta" habaryna qaraǵanda, Vladimir Pýtin "Resei Federatsiiasynyń iadrolyq tejeý salasyndaǵy memlekettik saiasatynyń negizderin bekitý týraly" jarlyqqa qol qoidy. Qujat resmi quqyqtyq aktiler portalynda jariialandy.
Doktrina mátinine sáikes, Kreml iadrolyq qarýdy qoldanýdy "áýe-ǵaryshtyq shabýyl quraldarynyń jappai iske qosylýy týraly naqty aqparat túskende" jáne olardyń RF shekarasyn kesip ótkende (oǵan ushaqtar, raketalar jáne ushqyshsyz apparattar da kiredi) qarastyrýy múmkin.
Sonymen qatar, Resei Belarýs egemendigine "qarapaiym qarýdy" (jappai joiý qarýynsyz) qoldaný arqyly "syndarly qaýip" tóngen jaǵdaida, iadrolyq qarýdy qoldaný quqyǵyn ózinde saqtaidy.
Prezidenttiń baspasóz hatshysy Dmitrii Peskovtyń aitýynsha, iadrolyq doktrinany jańartý qazirgi jaǵdaiǵa sáikestendirý úshin qajet boldy. Ol bul týraly resmi málimdeme jasap, reseilik áskeriler Kievtiń ATACMS raketalaryn qoldaný nieti týraly aqparattardan keiingi jaǵdaidy muqiiat baqylap otyrǵanyn aitty.
18 qarashada Eýropalyq komissiia tóraǵasynyń orynbasary Jozep Borrel AQSh-tyń Reseige qarsy qashyqtyǵy 300 km-ge deiin jetetin alys qashyqtyqtaǵy raketalardy qoldanýǵa qatysty vetony alyp tastaǵanyn rastady.
.jpg)