فوتو: اشىق دەرەككٶز
پۋتين يادرولىق دوكترينانىڭ جاڭا نۇسقاسىن بەكٸتتٸ — وعان سەيكەس, يادرولىق قارۋ تٸپتٸ ۇشقىشسىز اپپاراتتاردىڭ شابۋىلىنا جاۋاپ رەتٸندە قولدانىلۋى مٷمكٸن, دەپ حابارلايدى Ult.kz.
"نوۆايا گازەتا" حابارىنا قاراعاندا, ۆلاديمير پۋتين "رەسەي فەدەراتسيياسىنىڭ يادرولىق تەجەۋ سالاسىنداعى مەملەكەتتٸك ساياساتىنىڭ نەگٸزدەرٸن بەكٸتۋ تۋرالى" جارلىققا قول قويدى. قۇجات رەسمي قۇقىقتىق اكتٸلەر پورتالىندا جارييالاندى.
دوكترينا مەتٸنٸنە سەيكەس, كرەمل يادرولىق قارۋدى قولدانۋدى "ەۋە-عارىشتىق شابۋىل قۇرالدارىنىڭ جاپپاي ٸسكە قوسىلۋى تۋرالى ناقتى اقپارات تٷسكەندە" جەنە ولاردىڭ رف شەكاراسىن كەسٸپ ٶتكەندە (وعان ۇشاقتار, راكەتالار جەنە ۇشقىشسىز اپپاراتتار دا كٸرەدٸ) قاراستىرۋى مٷمكٸن.
سونىمەن قاتار, رەسەي بەلارۋس ەگەمەندٸگٸنە "قاراپايىم قارۋدى" (جاپپاي جويۋ قارۋىنسىز) قولدانۋ ارقىلى "سىندارلى قاۋٸپ" تٶنگەن جاعدايدا, يادرولىق قارۋدى قولدانۋ قۇقىعىن ٶزٸندە ساقتايدى.
پرەزيدەنتتٸڭ باسپاسٶز حاتشىسى دميتريي پەسكوۆتىڭ ايتۋىنشا, يادرولىق دوكترينانى جاڭارتۋ قازٸرگٸ جاعدايعا سەيكەستەندٸرۋ ٷشٸن قاجەت بولدى. ول بۇل تۋرالى رەسمي مەلٸمدەمە جاساپ, رەسەيلٸك ەسكەريلەر كيەۆتٸڭ ATACMS راكەتالارىن قولدانۋ نيەتٸ تۋرالى اقپاراتتاردان كەيٸنگٸ جاعدايدى مۇقييات باقىلاپ وتىرعانىن ايتتى.
18 قاراشادا ەۋروپالىق كوميسسييا تٶراعاسىنىڭ ورىنباسارى جوزەپ بوررەل اقش-تىڭ رەسەيگە قارسى قاشىقتىعى 300 كم-گە دەيٸن جەتەتٸن الىس قاشىقتىقتاعى راكەتالاردى قولدانۋعا قاتىستى ۆەتونى الىپ تاستاعانىن راستادى.
.jpg)