Resei Prezidenti Vladimir Pýtin Almaty túbinde jolaýshylar ushaǵynyń qulaýyna bailanysty qazaq halqyna kóńil aitty, dep habarlaidy RIA Novosti.
Resei basshysy Vladimir Pýtin Almatydaǵy ushaq apatyna bailanysty Qazaqstan Prezidenti Qasym-Jomart Toqaevqa kóńil aitý jedelhatyn joldady. Pýtin Resei halqy jaqyndarynan aiyrylǵan jandardyń qaiǵysyna ortaqtasatynyn jetkizdi, dep málimdedi Kremldiń baspasóz qyzmeti.
Qaiǵyly oqiǵa búgin tańǵy jetide Almaty túbinde boldy. Almaty áýejaiynan Nur-Sultanǵa ushyp shyqqan Fokker 100 ushaǵy kóp uzamai Talǵar aýdanyndaǵy eldi mekenge qulady.
Ushaq bortynda 93 jolaýshy, 5 ekipaj múshesi bolǵan.
Politsiia ázirge 12 adamnyń qaza bolǵanyn rastady. Kóz jumǵandar arasynda Informburo.kz aqparat agenttiginiń shyǵarýshy redaktory Dana Krýglova bar.
Memleket basshysy Qasym-Jomart Toqaev mert bolǵandardyń jaqyndaryna kóńil aitty. Sonymen qatar, kináli tulǵalar qatań jazalanatynyn jetkizdi.
