Resei prezidenti Vladimir Pýtin Ýkrainadaǵy soǵysqa aralasqandarǵa shuǵyl túrde soqqy jasalatynyn málimdedi. Bul týraly ol sársenbi, 27 sáýirde Sankt-Peterbýrgte reseilik parlamentariiler aldynda sóilegen sózinde aitty, - dep habarlaidy Tengrinews.kz.
"Taǵy bir qaitalap óteiin, eger bolyp jatqan oqiǵalarǵa syrttan bireýler aralasyp, Reseige strategiialyq jaǵdaida qaýip tóndirse, biz jaýap retinde shuǵyl túrde áreket etetinimizdi bilýi kerek. Bizde ol úshin qajet barlyq qural bar. Árkimniń ondai quraldarmen maqtanýǵa jaǵdaiy joq. Al biz maqtanbaimyz. Eger qajet bolsa, biz ony qoldanamyz. Osyny bári bilse eken deimin - bizde oǵan qatysty barlyq sheshim qabyldanǵan!", - dedi Pýtin.
Ol "Resei Donbass pen Ýkrainadaǵy arnaiy operatsiiaǵa qatysty qoiǵan barlyq tapsyrma oryndalatynyn" atap ótti. Pýtinniń sózinshe, Resei oǵan qarsy salynǵan sanktsiialar men soǵysqa jumsalatyn áskeri shyǵyndardyń ekonomikalyq qysymyna tótep bere alady.
