رەسەي پرەزيدەنتٸ ۆلاديمير پۋتين ۋكرايناداعى سوعىسقا ارالاسقاندارعا شۇعىل تٷردە سوققى جاسالاتىنىن مەلٸمدەدٸ. بۇل تۋرالى ول سەرسەنبٸ, 27 سەۋٸردە سانكت-پەتەربۋرگتە رەسەيلٸك پارلامەنتارييلەر الدىندا سٶيلەگەن سٶزٸندە ايتتى, - دەپ حابارلايدى Tengrinews.kz.
"تاعى بٸر قايتالاپ ٶتەيٸن, ەگەر بولىپ جاتقان وقيعالارعا سىرتتان بٸرەۋلەر ارالاسىپ, رەسەيگە ستراتەگييالىق جاعدايدا قاۋٸپ تٶندٸرسە, بٸز جاۋاپ رەتٸندە شۇعىل تٷردە ەرەكەت ەتەتٸنٸمٸزدٸ بٸلۋٸ كەرەك. بٸزدە ول ٷشٸن قاجەت بارلىق قۇرال بار. ەركٸمنٸڭ ونداي قۇرالدارمەن ماقتانۋعا جاعدايى جوق. ال بٸز ماقتانبايمىز. ەگەر قاجەت بولسا, بٸز ونى قولدانامىز. وسىنى بەرٸ بٸلسە ەكەن دەيمٸن - بٸزدە وعان قاتىستى بارلىق شەشٸم قابىلدانعان!", - دەدٸ پۋتين.
ول "رەسەي دونباسس پەن ۋكرايناداعى ارنايى وپەراتسيياعا قاتىستى قويعان بارلىق تاپسىرما ورىندالاتىنىن" اتاپ ٶتتٸ. پۋتيننٸڭ سٶزٸنشە, رەسەي وعان قارسى سالىنعان سانكتسييالار مەن سوعىسقا جۇمسالاتىن ەسكەري شىعىنداردىڭ ەكونوميكالىق قىسىمىنا تٶتەپ بەرە الادى.
