Resei prezidenti Vladimir Pýtin tórtinshi merzimge prezident bolý úshin 2018 jyly naýryz aiynda ótetin sailaýǵa túsýdi oilastyryp jatqanyn málimdedi, - dep habarlaidy "Ult aqparat" Azattyqqa silteme jasap.
4 tamyzda Býriatiiadaǵy Baikal kóliniń jaǵasynda ótken jiynda sóilegen Pýtin sailaýǵa túsý jaily jergilikti turǵynnyń beine bailanys arqyly "Halyq sizdiń aldaǵy sailaýǵa túskenińizdi qalaidy" degen sózine jaýabynda aitty. Beinebailanyspen habarlasqan adam ózin "Ekinshi dúniejúzilik soǵystyń ardagerimin" dep tanystyrdy.
2000 jyldan beri prezident, arasynda birer jyl premer-ministr retinde bilikte otyrǵan Pýtindi kópshilik 2018 jylǵy sailaýǵa kandidatýrasyn usynyp, tórtinshi merzimge sailanady dep sanaidy. Reseide biliktiń sailaýǵa qatysýshylardy jáne sailaýshylardy baqylaýy, ortalyq BAQ-tar men daýystardy sanaý protsedýrasyna yqpaly kúshti bolǵandyqtan sailaý nátijeleri kóp jaǵdaida boljanǵandai shyǵady.
Reseidiń Ortalyq sailaý komissiiasy buǵan deiin negizgi oppozitsiialyq saiasatker Aleksei Navalnyi qarjy jymqyrdy dep aiyptalǵandyqtan sailaýǵa úmitker bolyp tirkele almaitynyn málimdegen.
