Forýmnyń resmi sharalarynan keiin Memleket basshylary bir-birine estelik retinde syilyq jasaǵan. Bul týraly Prezidenttiń baspasóz hatshysy Berik Ýáli Facebook-tegi paraqshasynda jazdy.
Vladimir Pýtin Qasym-Jomart Toqaevqa mármár men malahittan jasalyp, kúmispen kúptelip, altynmen aptalǵan shahmat tartý etti. Qazaqstan prezidenti reseilik áriptesine ult ustazy, halqymyzdyń uly oishyly Abai Qunanbaiulynyń 175-jyldyǵyna orai arnaiy tartý-taralǵy retinde shyǵarylǵan Muhtar Áýezovtiń "Abai joly" romanynyń eki tomyn syilady, - dep jazdy ol.
Sondai-aq, Resei Prezidenti Vladimir Pýtin Qazaqstan Prezidenti Qasym-Jomart Toqaevty Omby áýejaiyna deiin kelip, áriptesin ózi arnaiy shyǵaryp salǵan edi.
Esterińizge sala keteiik, Memleket basshysy Qazaqstan men Resei arasyndaǵy XVI óńiraralyq yntymaqtastyq forýmyna qatysý úshin Ombyǵa barǵan bolatyn.
