فورۋمنىڭ رەسمي شارالارىنان كەيٸن مەملەكەت باسشىلارى بٸر-بٸرٸنە ەستەلٸك رەتٸندە سىيلىق جاساعان. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا جازدى.
ۆلاديمير پۋتين قاسىم-جومارت توقاەۆقا مەرمەر مەن مالاحيتتان جاسالىپ, كٷمٸسپەن كٷپتەلٸپ, التىنمەن اپتالعان شاحمات تارتۋ ەتتٸ. قازاقستان پرەزيدەنتٸ رەسەيلٸك ەرٸپتەسٸنە ۇلت ۇستازى, حالقىمىزدىڭ ۇلى ويشىلى اباي قۇنانبايۇلىنىڭ 175-جىلدىعىنا وراي ارنايى تارتۋ-تارالعى رەتٸندە شىعارىلعان مۇحتار ەۋەزوۆتٸڭ "اباي جولى" رومانىنىڭ ەكٸ تومىن سىيلادى, - دەپ جازدى ول.
سونداي-اق, رەسەي پرەزيدەنتٸ ۆلاديمير پۋتين قازاقستان پرەزيدەنتٸ قاسىم-جومارت توقاەۆتى ومبى ەۋەجايىنا دەيٸن كەلٸپ, ەرٸپتەسٸن ٶزٸ ارنايى شىعارىپ سالعان ەدٸ.
ەستەرٸڭٸزگە سالا كەتەيٸك, مەملەكەت باسشىسى قازاقستان مەن رەسەي اراسىنداعى XVI ٶڭٸرارالىق ىنتىماقتاستىق فورۋمىنا قاتىسۋ ٷشٸن ومبىعا بارعان بولاتىن.
