Ulybritaniiada reseilik burynǵy agent Sergei Skripal men qyzy Iýliia Skripaldiń ýlanýy isi boiynsha kúdikti dep tanylǵandar Resei biligine belgili. Bul týraly 12 qyrkúiekte Vladivostokta ótip jatqan Shyǵys ekonomikalyq forýmynda Resei prezidenti Vladimir Pýtin málimdedi. Pýtinniń aitýynsha, kúdiktiler - qarapaiym adamdar.
"Biz árine, ol adamdardyń kim ekenin anyqtadyq, olardyń kim ekenin bilemiz. Olardy taptyq. Bul jerde qylmystyq áreket joq", - dedi Pýtin.
Resei prezidenti buǵan qosa kúdiktiler oqiǵaǵa qatysty mán-jaidy BAQ-qa ózderi aityp bere alatynyn aitty.
Ótken aptada Ulybritaniia biligi ákeli-balaly Skripalderge Resei áskeri barlaý qyzmetiniń (GRÝ) Aleksandr Petrov jáne Rýslan Boshirov degen atpen belgili eki qyzmetkeri ý berip qastandyq jasady dep kúdiktenetinin málimdegen.
