Pýtin, Pashinian men Aliev Taýly Qarabaqtaǵy infraqurylymdyq jobalardy damytý jóninde kelisimge qol qoidy, dep habarlaidy reseilik TASS agenttigi.
Aita keteiik, Máskeýde RF Prezidenti Vladimir Pýtin, Ázerbaijan Prezidenti Ilham Aliev pen Armeniia Premer-Ministri Nikola Pashiniannyń kelissózi aiaqtaldy. Úshjaqty kezdesý 4 saǵatqa sozyldy.
Osyǵan deiin Pýtinniń ázerbaijandyq jáne armian áriptesimen jeke-jeke ekijaqty kezdesý ótkizetini de habarlanǵan bolatyn.
Úshjaqty kezdesý jabyq esik jaǵdaiynda ótti. Tek Pýtin ǵana kezdesý bastalar aldynda kópshilik aldynda sóz sóiledi. Resei Prezidenti Ázerbaijan jáne Armeniiamen tatý kórshilik qarym-qatynasty jaqsy baǵalaitynyn, sondai-aq Ázerbaijan men Armeniia tarapynyń Reseidiń Taýly Qarabaqtaǵy atysty toqtatý jónindegi «deldaldyq» áreketine qoldaý kórsetkenine rizashylyǵyn bildirdi.
Pýtin 2020 jyldyń qarashasynda jasalǵan kelisimder ret-retimen júzege asyrylyp jatqanyn jáne osy árekettiń Taýyl Qarabaqtaǵy shielenisti Armeniia men Ázerbaijan halqynyń múddesine sai, ádil retteýge uzaqmerzimdi ári tolyqqandy negiz qalaitynyn atap ótti.
