Nursultan Nazarbaev Resei Federatsiiasynyń Prezidenti Vladimir Pýtinmen telefon arqyly sóilesti, dep habaraidy "Ult aqparat" Aqordaǵa silteme jasap.
Memleketter basshylary áńgime barysynda ekijaqty yntymaqtastyqtyń jaǵdaiy men perspektivalaryn, sondai-aq óńirlik jáne halyqaralyq kún tártibindegi ózekti máselelerdi talqylady.
Resei Prezidenti Qazaqstan Prezidentin biylǵy 14-15 qyrkúiekte Siriiaǵa qatysty altynshy halyqaralyq kezdesýdiń Astanada tabysty ótýimen quttyqtady.
Sondai-aq, Vladimir Pýtin Nursultan Nazarbaevty Siriiadaǵy qaqtyǵysty retteý úshin Resei jaǵynan atqarylyp jatqan sharalar jóninde habardar etti. Taraptar Astana protsesin jalǵastyrýdyń mańyzdy ekenin erekshe atap ótti.
Budan bólek, Prezidentter aldaǵy ýaqytta bolatyn kezdesýler kestesin, sonyń ishinde Joǵary Eýraziialyq ekonomikalyq keńes pen TMD-ǵa múshe memleketter basshylarynyń keńesine daiyndyq barysyn qarastyrdy.
Eki el kóshbasshylary eki jaqty ózara is-qimyldyń barlyq máseleleri boiynsha turaqty dialogty jalǵastyrýǵa ýaǵdalasty.
Telefon arqyly sóilesýge Resei jaǵy bastamashy boldy.
