Resei Prezidenti Vladimir Pýtin Qazaqstan Prezidenti Nursultan Nazarbaevqa Siriiadaǵy jaǵdaidy retteýge qatysty kelissózderdi uiymdastyrǵany úshin alǵysyn jetkizdi. Bul týraly ol Almatyda Prezident rezidentsiiasynda ótip jatqan kezdesý barysynda aitty, - dep habarlaidy "Ult aqparat" kaz.tengrinews.kz portalyna silteme jasap.
"Men sizge Kezdesýimizdiń basynda Astanadaǵy Siriiaǵa qatysty kelissózderdi uiymdastyrǵanyńyz úshin alǵys aitqym keledi. Qazaqstandyq taraptyń osy kelissózderge jaqsy áser etkenin bilemin. Sizdiń jeke ózińizdiń osy is-sharaǵa qatysyp, delegatsiia qatysýshylarymen jumys istegenińizdi de bilemin. Osy iske qatysýyńyzdyń arqasynda barlyq kezdesý sátti ótti. Buǵan deiin múlde olai bolǵan emes. Siriiadaǵy soǵysty toqtatýdy baqylaýǵa qatysty mehanizm quryldy. Biz úshin eń mańyzdysy - osy, iaǵni, bul Jenevada kelissózderdi jalǵastyrýǵa múmkindik berdi degen sóz", - dedi Vladimir Pýtin.
Qazaqstan jáne Resei prezidentteri Nursultan Nazarbaev pen Vladimir Pýtinniń kezdesýi Almatyda Prezidenttiń rezidentsiiasynda ótip jatyr. Kelissózder barysynda ekijaqty yntymaqtastyq máseleleri, sondai-aq, óńirdegi jáne halyqaralyq kún tártibindegi máseleler talqylanyp jatyr. Kreml saitynyń málimetinshe, Nursultan Nazarbaev pen Vladimir Pýtinniń kezdesýi barysynda eki el arasyndaǵy saýda-eknomikalyq jáne mádeni-gýmanitarlyq salalardaǵy, energetika jáne ǵarysh, sonymen qatar, halyqaralyq kún tártibindegi negizgi taqyryptar talqylanady. Eki el kóshbasshylary eýraziialyq birlestiktiń ári qarai damýyna bailanysty máselelerdi qozǵaidy.
Eske sala keteiik, keshe, 26 aqpanda Nursultan Nazarbaev pen Vladimir Pýtin Almatyda beiresmi kezdesý ótkizgen bolatyn. Memleketter basshylary jeksenbini Almaty mańyndaǵy taý-shańǵy saiajaiynda ótkizgen edi.
.jpeg)