Resei prezidenti Vladimir Pýtin munaidyń qazirgi baǵasyn «qolaily baǵa» dep atady, osy arqyly Venada bolatyn aldaǵy kezdesýde rynoktaǵy suranysqa bailanysty munai jetkizilimin qysqartýǵa Reseidiń daiyn ekendigin munai eksporttaýshylarǵa bildirgisi kelgenge uqsaidy. Pýtin OPEK+ tobynyń Venadaǵy kezdesýin Reseidiń «uzaq merzimge turaqtylyqty qamtamasyz etetin qural» retinde qarastyratynyn málimdedi, dep habarlaidy «Interfaks».
Resei prezidenti 1 naýryzda «Koronavirýs effektisi» konteksinde Reseidiń ekonomikalyq damýy talqylanǵan energetika salasy basshylarynyń Máskeýdegi keńesinde sóiledi.
Osy aptada arasynda Saýd Arabiiasy da bar OPEK-tiń keibir elderiniń munaidy kóbirek óndirgisi keletini jaily habar taraǵan. Bul shara koronavirýsqa bailanysty ekonomikalyq belsendiliktiń azaiyp, munaiǵa suranystyń tómendeýinen týyp otyr dep túsindirildi deidi Reuters.
Resei munai satýdy ári qarai da qysqartýǵa qarsylyq bildirip, qazirgi munai óndirisiniń deńgeiin naýryz aiynyń sońyna deiin saqtap qalýdy jaqtaǵan.
Brent markaly munai barreliniń qazirgi baǵasy 50,76 AQSh dollary. 2020 jyldyń qańtar aiyndaǵy ortasha baǵasy $63.91 dollar bolǵan.
