رەسەي پرەزيدەنتٸ ۆلاديمير پۋتين مۇنايدىڭ قازٸرگٸ باعاسىن «قولايلى باعا» دەپ اتادى, وسى ارقىلى ۆەنادا بولاتىن الداعى كەزدەسۋدە رىنوكتاعى سۇرانىسقا بايلانىستى مۇناي جەتكٸزٸلٸمٸن قىسقارتۋعا رەسەيدٸڭ دايىن ەكەندٸگٸن مۇناي ەكسپورتتاۋشىلارعا بٸلدٸرگٸسٸ كەلگەنگە ۇقسايدى. پۋتين وپەك+ توبىنىڭ ۆەناداعى كەزدەسۋٸن رەسەيدٸڭ «ۇزاق مەرزٸمگە تۇراقتىلىقتى قامتاماسىز ەتەتٸن قۇرال» رەتٸندە قاراستىراتىنىن مەلٸمدەدٸ, دەپ حابارلايدى «ينتەرفاكس».
رەسەي پرەزيدەنتٸ 1 ناۋرىزدا «كوروناۆيرۋس ەففەكتٸسٸ» كونتەكسٸندە رەسەيدٸڭ ەكونوميكالىق دامۋى تالقىلانعان ەنەرگەتيكا سالاسى باسشىلارىنىڭ مەسكەۋدەگٸ كەڭەسٸندە سٶيلەدٸ.
وسى اپتادا اراسىندا ساۋد ارابيياسى دا بار وپەك-تٸڭ كەيبٸر ەلدەرٸنٸڭ مۇنايدى كٶبٸرەك ٶندٸرگٸسٸ كەلەتٸنٸ جايلى حابار تاراعان. بۇل شارا كوروناۆيرۋسقا بايلانىستى ەكونوميكالىق بەلسەندٸلٸكتٸڭ ازايىپ, مۇنايعا سۇرانىستىڭ تٶمەندەۋٸنەن تۋىپ وتىر دەپ تٷسٸندٸرٸلدٸ دەيدٸ Reuters.
رەسەي مۇناي ساتۋدى ەرٸ قاراي دا قىسقارتۋعا قارسىلىق بٸلدٸرٸپ, قازٸرگٸ مۇناي ٶندٸرٸسٸنٸڭ دەڭگەيٸن ناۋرىز ايىنىڭ سوڭىنا دەيٸن ساقتاپ قالۋدى جاقتاعان.
Brent ماركالى مۇناي باررەلٸنٸڭ قازٸرگٸ باعاسى 50,76 اقش دوللارى. 2020 جىلدىڭ قاڭتار ايىنداعى ورتاشا باعاسى $63.91 دوللار بولعان.
