AQSh-tyń jańa sailanǵan prezidenti Donald Tramp Resei prezidenti Vladimir Pýtinmen telefonmen sóilesip, eki el arasyndaǵy kúrdeli qarym-qatynasty talqylady. Tramp ókilderi taratqan málimdemede Pýtinniń ony prezident bolyp sailanýymen quttyqtaǵany aitylady. Málimdemede Tramp "Reseimen berik jáne uzaq merzimdi bailanys ornatýdyń múmkindikterin taǵatsyzdana kútip otyr" delingen. Tramp pen Pýtin "AQSh pen Resei aldynda turǵan birqatar problemany, strategiialyq ekonomikalyq máselelerdi" talqylaǵan.
Buǵan deiin Kreml Pýtin de, Tramp ta eki el arasyndaǵy qarym-qatynastyń qazirgi jai-kúiin "múldem qanaǵattanarlyqtai emes" dep biletinin habarlaǵan. Resei prezidenti Trampqa "ózara qurmet pen eldiń ishki isine aralaspaǵan túrde" dialog ornatýǵa daiyn ekenin aitqan. Kreml buǵan qosa taraptar "eki jaqty qarym-qatynasty ónimdi yntymaqtastyqqa qarai baǵyttaýǵa" ýaǵdalasty deidi.
Resei men AQSh arasyndaǵy qarym-qatynas Resei 2014 jyly Ýkrainadan Qyrym túbegin zańsyz anneksiialap alyp, Máskeý Ýkraina shyǵysyndaǵy separatisterge jáne Siriia prezidenti Bashar Asadqa qoldaý kórsete bastaǵan soń kúrt nasharlaǵan.
